MOBILIDADE LUGO-BURDEOS

 

 SEMANA ERASMUS+ EN PESSAC-BURDEOS

A semana do 23 ao 30 de abril foi para este grupo de doce alumnos de 2º e 3º ESO unha experiencia inolvidable. Acompañados por dúas profesoras, acudiron ao centro Jeanne d'Arc Assomption de Pessac, na cidade de  Burdeos, no sur de Francia, para desenvolver un proxecto de colaboración relacionado co pasado celta e romano que compartimos.

Foi unha grata aventura desde o principio: a alegría ao saberse participantes no proxecto Erasmus+, a ilusión por coñecer aos seus correspondentes franceses, os primeiros contactos telemáticos, voar ata a cidade de Burdeos e pasar unha semana acollidos polas familias francesas...  Todo resultou xenial!

Velaquí algunhas das actividades realizadas ao longo da semana:

Acollida e almorzo francés (zumes e croissants) por cortesía da Dirección do Grupo Escolar Jeanne D'Arc.

A continuación fixemos un tour polas instalacións do centro e logo divertímonos con algúns xogos para romper o xeo e coñecernos un pouquiño.

O proxecto a desenvolver en Pessac e despois en Lugo consiste na CREACIÓN DUN VLOG que recollerá todas as actividades e vivencias dos alumnos participantes durante as mobilidades. Por iso, un profesor do centro, experto en novas tecnoloxías e publicidade, deu unha master class coas claves para a gravación e edición de vídeos para o VLOG.

Organizamos aos rapaces en equipos con cadansúa visita/actividade asignada e puxéronse máns á obra! VLOGUEIROS EN ACCIÓN!

 No Musée d'Aquitaine descubrimos os vestixios celtas/gaulois e os restos romanos que compartimos as cidades de Burdeos e Lugo

E no Museo de Vesunna, no Périgeux visitamos unha antiga domus romana e os restos arqueolóxicos atopados na cidade. A igual que ocorre en Lugo, Périgueux construíuse sobre una cidade romana, e conserva baixo os seus edificios innumerables segredos e vestixios que quizáis nunca saian á luz.

A visita estrela foi, sen dúbida, ás Dunes du Pyla, as dunas máis elevadas e grandes do noso continente. Ata alí desplazámonos todos os centros europeos invitados en Pessac durante esta semana internacional Erasmus+. Así compartimos paseo e merenda con xentes francesas, rumanas, italianas ...

Finalmente, quedounos o tour pola cidade de Burdeos, onde fomos descubrindo os máis fermosos recunchos

Monument aux Girondins

Grand Théatre de Bordeaux

Place de la Bourse

E chegou a despedida...no aeroporto houbo abrazos e choros de emoción, pero coa ledicia de saber que en poucas semanas recibiremos aos nosos amigos franceses en Lugo!

AQUÍ VAN ALGÚNS VÍDEO DO VLOG COLABORATIVO:

À BIENTÔT, MES AMIS!

MOBILIDADE EN ASPERG-ALEMAÑA

 SEMANA ERASMUS+ EN ASPERG

Cinco estudantes de 4ºESO acompañadas por dous profesores veñen de pasar unha semana no Friedrich-List-Gymnasium de Asperg, cidade veciña de Stuttgart no sur de Alemaña, para desenvolver o proxecto de colaboración titulado "Fairy Tales and Legends as European Cultural Heritage"

Antes de partir, este grupo de artistas, viña traballando dende había meses na elaboración dun Kamishibai: técnica narrativa de orixe xaponesa que, co apoio dun teatriño de madeira, permite ler-contar historias con imaxes que ilustran os momentos máis importantes. Para a ocasión, a escollida foi a lenda galega "A doniña cerva", para a cal crearon as esceas e acompañadas dos textos en galego, castelán e inglés. 

  

 

E por fin chegou o día de partir! A pesar de comezar con mal pé (pasamos os primeiros días sen maletas por mor da folga de transportes en Alemaña), a experiencia non puido ser máis satisfactoria. As familias de acollida recibiron ás nosa alumnas como un membro máis do seu fogar, preocupáronse por ofrecerlles todo o necesario e converteron esta semana nunha verdadeira experiencia de inmersión. 

Na escola todo e todos estaban preparados para recibir os 35 alumnos procedentes de Francia, Portugal e España. Como cabía esperar dos anfitrións alemáns, todo estivo milimétricamente organizado, e os días sucedéronse nun sinfín de actividades.

 

Houbo tempo para coñecer as instalacións, realizar obradoiros, asistir a clases, recreos e comidas compartidas, pero tamén para actividades máis lúdicas como ensaios musicais e bailes.

Tampouco faltaron as visitas culturais: unha tarde no Fairy Tale Gardens do Pazo de Ludwigsburg fixo as delicias de pequenos e maiores.

Agora ben, a visita estrela foi a Estrasburgo, onde coñecemos o Parlamento Europeo e percorremos despois a fermosa cidade. 

O broche final poñíase cun festival organizado para todos os participantes no programa Erasmus e para agradecer a todas as familias a súa implicación e bo facer nestes días. Expuxéronse os traballos realizados nos obradoiros e ao longo do curso. Velaquí o enlace para poder imprimir o noso Kamishibai: The White Doe 

houbo actuación musicais e, como non, discursos! Coa súa presenza, o alcalde de Asperg, como tamén fixera durante a visita dos profesores en xuño de 2022, puxo en valor o proxecto levado a cabo e resaltou a importancia de crear lazos, de fomentar a colaboración e a irmandade entre pobos para acadar un mundo máis solidario e pacífico. 

O último día en Asperg pasámolo na escola: asistimos a algunhas clases, houbo despedidas e a sensación de que todo pasara demasiado rápido. 

Stuttgart aínda nos agardaba para sorpendernos gratamente coas rúas peatonais, as súas prazas, fermosos edificios e xardíns. Nun único día percorremos e visitamos un sinfín de lugares: os Museos de Arte Contemporánea e o Mercedes-Benz, a Torre da Televisión, o Markt Halle (mercado cuberto e tradicional da cidade)... e, por suposto, degustamos os Schnitzel, as salchichas e os Pretzel!

Misión cumprida! Os obxectivos da viaxe quedaban acadados sen dúbida algunha!

MOBILIDADE en CHÂTEAUROUX

SEMANA ERASMUS+ EN CHÂTEAUROUX

Cando xa pasaron uns días da nosa volta, agroman os recordos dos días que pasamos en Francia. O venres 24 de febreiro este grupo de alumnos de 3º e 4ºESO emprendía a súa viaxe cara a terras francas cheos de ilusión e preparados para sacar o mellor desta experiencia.

O sábado aproveitámolo para visitar todo o posible de París. Camiñamos todo o día e moito vimos desta marabillosa cidade...  e todos quedaron con moitas ganas de volver algún día para coñecer mellor a capital francesa. O primeiro obxectivo da viaxe xa quedaba acadado: despertar interés por outras culturas, por outras formas de vida. Abrindo mentes...

O domingo emprendemos a viaxe en tren cara a Châteauroux, onde nos agardaban os alumnos franceses coas súas familias e profesoras. Tras saudarnos e facer as presentacións pertinentes cada un dos nosos estudantes marchou coas correspondente familia de acollida ata o día seguinte.

O luns ben cedo, xa comezou a nosa semana no colexio La Fayette: comezamos a xornada con xogos para romper o xeo e crear un ambiente distendido e de confianza para favorecer o traballo cooperativo. Os estudantes de Lugo fixeron presentacións sobre Galicia, a nosa cidade e o noso cole, e acudiron a algunhas clases cos seus compañeiros franceses. O oxectivo de poñer en práctica o inglés daba os seus primeiros pasos...

 Ao traballo na aula sumáronse tamén outras actividades: compartir o xantar no comedor escolar, compartir tempo e charla no patio... e, como non, as visitas culturais a Châteauroux para coñecer a vila, os edificios singulares e un interesantísimo museo.

A segunda visita cultural levounos a Tours, unha cidade chea de vida, onde descubrimos a marabillosa catedral e as súas impresionantes vidrieiras. Despois de moito camiñar e admirar, repuxemos forzas nun restaurante de comida biolóxica, contribuíndo así ao cumprimento dos obxectivos de sostenibilidade!

A fin da nosa estancia xa se aproximaba, así que o cuarto día adicámolo ao taller de elaboración da nosa REVISTA DIXITAL: os alumnos escolleron o formato e deseño da revista, describiron aos seus compañeiros de redación e incluíron as fotografías de todos eles nunha das seccións. Asimesmo, organizados en equipos internacionais, esbozaron as noticias que querían redactar en relación cos ODS e compartíronas cos seus compañeiros. 

O día rematou cun paseo pola cidade e unha deliciosa e moi animada cea de despedida, na que houbo risas, bromas e brindis polas novas amizades e a experiencia Erasmus!

O venres moi cediño as familias trouxeron aos rapaces á estación de trens onde nos despedimos ata o mes de maio, cando eles virán visitarnos a Lugo. 

À bientôt!

PROXECTO LUGO-CHÂTEAUROUX: GO 4 A MORE SUSTAINABLE WORLD!

  CONCIENCIANDO SOBRE OS 17 OBXECTIVOS DE SOSTENIBILIDADE 

"GO 4 A MORE SUSTAINABLE WORLD"

Despois de moito investigar e ler, moito aprendemos sobre os 17 ODS recollidos na Axenda 2030. Descubrimos que o noso planeta sofre polo cambio climático, e que hai moitas desigualdades e inxustizas no mundo. Pero agora tamén sabemos que podemos e debemos poñernos en acción: é verdade que somos pequenas pingas nun enorme océano, pero non por iso nos sintamos intimidados. Nas nosas mans está mellorar o mundo no que nos toca vivir; con cada pequeno xesto contrinbuímos ao ben global. Así que cantos máis pequenos xestos, maior será o noso impacto. Por iso nos parece tan importante difundir a mensaxe da ONU e dar a coñecer estes obxectivos: Debemos ser conscientes dos problemas que nos rodean e dos desafíos que se propoñen.

 

Os rapaces compuxeron con Canva uns posters co Logo de cada obxectivo e unha infografía que recolle datos de grande interese en relación con cada un dos 17 obxectivos. Lede e descubride como podedes axudar!

PROXECTO LUGO-ASPERG: LOGO CONTEST.

 XA TEMOS LOGO GAÑADOR PARA O PROXECTO "FAIRY TALES"

O concurso foi un éxito rotundo pois foron moitas as propostas enviadas polos alumnos participantes de cada país. Tras unha votación online o LOGO GAÑADOR é o seguinte:

Noraboa aos autores: os alumnos de Nantes, Francia!

E por suposto xa actualizamos a carteleira Erasmus, incluíndo esta última novidade!

Pronto poderemos consultar como vai evolucionando o proxecto accedendo á plataforma eTwinning facendo click no seguinte enlace Twinspace do proxecto.

THÉO e KILLIAN, ESTUDANTES ERASMUS NO DIVINO MAESTRO de LUGO!

BIENVENUS THEO ET KILLIAN!

Saudamos aos alumnos franceses que, ao abeiro do programa Erasmus+, nos acompañarán ao longo dos dous meses vindeiros. Hospedados por Aarón e Manuel, e acollidos por 4° de ESO e por todo o cole, estes mozos de Pessac (Bordeos), estarán nas nosas aulas ata mediados de marzo. Logo, devolverémoslles a visita.

PROXECTO LUGO- CHÂTEAUROUX: LOGO CONTEST

 CONCURSO DE LOGOS

Todo proxecto precisa dun LOGO que o represente e co que os seus membros se identifiquen. Por iso se convocou un concurso de logos.

Nós presentaremos estes dous! Veremos que ideas propoñen os nosos partenaires franceses e...

QUE GAÑE O MELLOR!

PROXECTO LUGO-CHÂTEAUROUX: RECICLAMOS e SOMOS SOLIDARIOS

TAPÓNS para ASPNAIS 

E velaquí vai o primeiro dos plans de acción:

RECOLLER TAPÓNS para COLABORAR con ASPNAIS (Asociación Lucense de Axuda a Persoas con Dano Cerebral). Moi pronto coñeceremos máis de preto o seu labor e como contribúe a recollida de tapóns ao seu centro.

Esta é unha desas accións que van no ADN do noso colexio: traballar pola inclusión e non deixar a ninguén atrás.

E, ao mesmo tempo, contribuímos ao coidado do medio ambiente: as familias e os amigos implícanse e xuntan todos os tapóns de plástico dos envases que se empregan na casa.

En dúas semanas, recolléronse 18 kilos de tapóns!

                     

PROXECTO LUGO-ASPERG EN MARCHA!

FAIRY TALES AS A EUROPEAN CULTURAL HERITAGE

En xuño do curso pasado, a Coordinadora do Proxecto Erasmus do noso centro visitou o Friedrich List Gymnasium de Asperg, Alemaña, para preparar xunto con profesores doutros centros europeos a participación nun proxecto de colaboración, para descubrir os contos de fadas tradicionais propios de cada país pero tamén os que son común herdanza de todos. 

     

FAIRY TALES AS A EUROPEAN CULTURAL HERITAGE: Este é o título do proxecto que nos levará ao universo dos contos de fadas da nosa infancia e a descubrir que moitos países europeos e do mundo enteiro veñen contando dende hai séculos lendas e historias moi parecidas. 

As nosa alumnas, Elena, Yanira, Noa, Icía e Cinthia, forman o equipo que viaxará a Asperg (Alemaña) coa misión de descubrir esa tradición cultural europea. Alí coincidirán con estudantes alemáns, franceses, portugueses, croatas ... e compartirán historias, forxarán amizades e fortalecerán o espírito europeo.

Como toda empresa, necesitamos un LOGO que nos represente e co que nos sintamos identificados. Así que este equipo creou un marabilloso póster para invitarvos a TODOS e TODAS  a PARTICIPAR no CONCURSO DE LOGOS! 

Podedes facer un logo á man ou ben empregando ferramentas dixitais. O logo gañador acompañaranos  ao longo de todo o proxecto e aparecerá nas nosas publicacións e nos materiais que produza o equipo galego. Ademáis entrará no concurso de logos cos outros países. 

Enviade os vosos logos ao correo monica.rivas@divinomaestrofelugo.com  

Tedes ata o 16 de decembro para entregar as vosas creacións!

Para máis información: Coordinadora Erasmus, Mónica Rivas 

COMEZAMOS O PROXECTO LUGO-CHÂTEAUROUX: EN ACCIÓN POR UN FUTURO MÁIS SOSTIBLE!

 "Extra! Extra! Read all about it!"

En asociación co Colexio La Fayette de Châteauroux (Francia) o noso proxecto por fin botou a andar, baixo o título de "Extra! Extra! Read all about it!"

Os alumnos serán reporteiros en acción por un futuro máis sostible e crearán en colaboración cos socios franceses unha revista que recollerá todo o seu traballo para transformar o mundo! 

Investigarán sobre os 17 Obxectivos de Desenvolvemento Sostible recollidos na Axenda 2030, para despois mirar o seu entorno desde unha nova perspectiva:  descubrir os desafíos aos que nos enfrontamos cada día, e logo idear e poñer en marcha un plan de acción para mobilizar conciencias e facer posible o cambio cara un futuro mellor. 

Pero antes de nada os socios deben coñecerse, ter un primeiro contacto. Por iso, a semana pasada os nosos 12 alumnos de 3º e 4º ESO gravaron uns vídeos de presentación que lles enviamos aos colegas franceses. Agora agardamos impacientes coñecelos a eles e xa se nos está facendo longa a espera! 

Se queredes velo, facede click no noso vídeo de presentación!

XA TEMOS CLUB ERASMUS!

Dende o venres pasado quedou oficialmente formado o CLUB ERASMUS do Colexio Divino Maestro de Lugo. 

Os alumnos e alumnas seleccionados para o intercambio europeo Erasmus+ posan así de orgullosos e ilusionados con todo o que os agarda nesta experiencia! Erasmus Plus: abrindo mentes e enriquecendo vidas!